សមត្ថកិច្ចឃាត់ខ្លួនស្រ្តីម្នាក់ដែលវាយធ្វើទារុណកម្មលើកូនចិញ្ចឹមអាយុ៦ឆ្នាំ...

រាជធានីភ្នំពេញ៖ នៅទីបំផុតតុលាការភ្នំពេញ ល្ងាចថ្ងៃទី២៧ ខែឧសភា ឆ្នាំ២០២២ បានសម្រេចឃុំខ្លួនស្រ្តីម្នាក់ដែលបានវាយធ្វើទារុណកម្មទៅលើកូនស្រីចិញ្ចឹមអាយុ៥ឆ្នាំនៅពន្ធនាគារបណ្តោះអាសន្ន។

ស្រ្តីជនសង្ស័យដែល ឃុំខ្លួនបណ្តោះអាសន្ននោះឈ្មោះ ចាន់ ធីតា ហៅ ធីតា អាយុ៣៧ឆ្នាំ មុខរបរ លក់កាហ្វេ ស្នាក់នៅផ្ទះលេខ១៣Eo ភូមិ០៣ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។

កាលពីយប់ថ្ងៃទី២៣ ខែឧសភា ឆ្នាំ២០២២ កម្លាំងប៉ុស្តិ៍នគរបាល រដ្ឋបាលផ្សារដេប៉ូទី១ ខណ្ឌ ទួលគោក បានឃាត់ខ្លួនស្រ្តីជនសង្ស័យខាងលើ នៅមុខផ្ទះរបស់ខ្លួន បន្ទាប់ពីបានវាយនឹងដៃ ព្រមទាំងប្រើដែកតម្ពក់ព្យួរខោអាវ វាយលើកូនស្រីចិញ្ចឹមរបួសពេញខ្លួននិងនៅលើផ្ទៃមុខ។